දෙරණ මිස් ශ්‍රී ලංකා හදිස්සියේ කසාද බැන්දේ ඇයි ?

වසර 2012 දී දෙරණ මිස් ශ්‍රී ලංකා බවට පත් නිළියක වන සුමුදු ප්‍රසාදිනී පසුගිය 04 වැනිදා විවාහ දිවියට එක් විය.
ඇගේ අතගත්තේ සම්පත් බැංකුවේ සේවය කරන මොස්තර නිරූපන ශිල්පියකු හා ශ්‍රී ලංකා ජාතික පැසිපන්දු කණ්ඩායමේ සාමාජිකයකු වන මිථිල අබේසේකරය.
මොවුන්ගේ විවාහය හදිස්සියේ සිදුවූයේ මිථිලට පැසිපන්දු පිල සමඟ විදෙස් සංචාර දෙකකට එක්වීමට තිබූ නිසා බව පැවසේ.
අඩි හයයි අඟල් හතරහමාරක් උස මිථිලව සුමුදුට හමුව ඇත්තේ මෝස්තර නිරූපන අවස්ථාවකදී බවද පැවසේ.
කොහොමවුණත් කුරුණෑගල උපන් සුමුදු කොළඹ කොල්ලෙක් ජීවන සහකරු කර ගැනීමට බියෙන් සිටි බවද වාර්තා වේ.

ලොව භයානකම රට මෙන්න​

එක්සත් ජාතීන්ගේ සංවිධානය විසින් ඊයේ(10) නිකුත් කරන ලද වාර්ථාවට අනුව ලොව වැඩිම මිනීමැරුම් අනුපාතයක් වාර්තා වන රට ලෙස හඳුනාගෙන ඇත්තේ හොන්ඩුරාස් රාජ්‍යයයි.

සෑම මිනිසුන් 100,000 කටම වාර්තා වන මිනීමැරුම් සංඛාව පදනම් කරගනිමින් සකස් කර ඇති මෙම වාර්තාවට අනුව ඇමෙරිකා කලාපය අප්‍රිකා කලාපය අභිබවමින් වැඩිම මිනීමැරුම් අනුපාතයක් සටහන් කර ඇත.

මෙම වාර්තාව වසර 2012 දී සිදුවූ මිනීමැරුම් සංඛ්‍යාව සැළකිල්ලට ගනිමින් සකස් කර ඇති අතර පාතාල කල්ලි සහ මෙක්සිකානු මත්ද්‍රව්‍ය ජාවාරම් කරුවන් විසින් සිදුකරන ලද අපරාධ හේතුවෙන් මෙලෙස හොන්ඩුරාස් රාජ්‍යයේ මිනීමැරුම් අනුපාතය ඉහල ගොස් ඇති බව විදෙස් මාධ්‍ය වාර්තා කරයි.

මත්ද්‍රව්‍ය සහ අපරාධ පිළිබඳ එක්සත් ජාතීන්ගේ කාර්යාලය විසින් ඉදිරිපත් කරන ලද මෙම වාර්තාවට අනුව හොන්ඩුරාස් රාජ්‍යයේ මිනීමැරුම් අනුපාතය 90.4ක් වේ.

එමෙන්ම එම වාර්තාවෙහි දැක්වෙන වැඩිම මිනීමැරුම් අනුපාතයක් සහිත රටවල් අතරින් දෙවන සහ තෙවන ස්ථාන හිමිකරගෙන ඇත්තේ වෙනිසියුලාව (53.7) සහ බෙලීස් රාජ්‍යයයි (44.7).

කුමාර සංගක්කාරට ජනාධිපතිවරණ පොදු අපේක්‍ෂක වන්නැයි ආරාධනා

ශ‍්‍රී ලංකා ජාතික ක‍්‍රිකට් කණ්ඩායමේ සුපිරි පිතකරු කුමාර සංගක්කාරට මීලඟ ජනාධිපතිවරණයේදී පොදු අපේක්‍ෂකයා වන ලෙස ආරාධනා කර තිබේ.

මෙම ආරාධනය සිදු කර ඇත්තේ ලෝක ශූර ශ‍්‍රී ලංකා කණ්ඩායම පසුගියදා පාර්ලිමේන්තුවේ උපහාර පිළිගැනීම සඳහා එහි ගිය අවස්ථාවේදීය.

පක්‍ෂ විපක්‍ෂ මන්ත‍්‍රීවරුන් සමඟ සංගක්කාර කතා බහ කරමින් සිටියදී එජාප මන්ත‍්‍රී ගයන්ත කරුණාතිලක ‘දැන් ඉතින් පාර්ලිමේන්තු එන්න කාලෙ හරි’ යයි සඳහන් කර ඇත.

‘ඔයා හොඳයි ඊළඟ ජනාධිපතිවරණයේ පොදු අපේක්‍ෂකයා වෙන්න’ යයි ඊට තවත් අදහසක් එකතු කල මන්ත‍්‍රී නලීන් බණ්ඩාර කීවේය.

කුමාර සංගක්කාර කිසිත් නොකියා ඊට සිනහ වී ඇත.

ලිංගේන්ද්‍රිය කැපීමේ සිද්ධි දෙකක්

ලිංගේන්ද්‍රිය ආශ්‍රිත කැපුම් තුවාල සම්බන්ධ සිද්ධි දෙකක් අද වාර්තා විය.

ඉන් එක් සිද්ධියක් වාර්තා වූයේ, දඹුල්ල – කුරුණෑගල ප්‍රධාන මාර්ගයේ S වංගුව ප්‍රදේශයෙනි.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා ප්‍රකාශ කළේ, අද අලුයම 119 දුරකතන අංකයට ලැබුණු තොරතුරක් අනුව මහ මග වැටී තිබූ එම පුද්ගලයාගේ සිරුර සොයා ගත් බව ය.

එම සිරුරේ ලිංගේන්ද්‍රිය ප්‍රදේශයේ කැපුම් තුවාල තිබූ බව ද ඔහු සඳහන් කළේ ය.

මෙම සිද්ධිය පිළිබඳව ‍ගලේවෙල පොලීසියේ මෙහෙයවීමෙන් පරීක්ෂණ ආරම්භ කර තිබේ.

මේ අතර, සිය ලිංගේන්ද්‍රිය කපා ගත් බව කියන බඩල්කුඹුර ප්‍රදේශයේ 24 හැවිරිදි විවාහක පුද්ගලයෙකු රෝහල්ගත කර තිබේ.

ඔහුගේ බිරිඳ පොලීසියට පවසා ඇත්තේ, ඔහු මානසික ආබාධයකින් පෙළෙන අයෙකු බව ය.